USHAIRI: "KIDONDA CHA HUBA"

Ushairi: KIDONDA

Mshairi: HAMISI A.S KISSAMVU

0715311590

kissamvujr@gmail.com

kutoka (Baitu shi'ri)

MABIBO DSM

1. Kidonda hiki kidonda, cha mahaba ni msiba. 

Kilio kitakutanda, mwilini kikikukaba

Hauchelewi kukonda

Kukonda kutakuwanda,na tibaye huwa haba

Siku zitazidi kwenda.chakutafuna ja buba

Sio kale hata sasa huponi donda la huba

2. Kinadanganya kupona,juu kuweka kigaga

Kumbe uzima hapana, na mwili chauvuruga

Muumwa talia sana

Sana peke akibana,fikira za mvuruga

Akikumbuka ya jana, kwa siha aliwakoga

Sio kale hata sasa huponi donda la huba

3. Wengi kinawadhuru, wala hakuna jabari

Kikikupata shukuru, muombe dua kadari

Kidonda hiki hatari

Hatari chafunga nuru, huwi mwenye kufikiri

Zinakupotea heri, kila ulacho shubiri

Sio kale hata sasa huponi donda la huba

4. Aondoke mahabuba, alokukaa moyoni

Alokujaza kwa huba, ukapoteza uoni

Ni mauko ya mahaba

Mahaba tena ni haba, yatakuwa henzerani

Utabaki na ukuba, mziba pengo ninani?

Sio kale hata sasa huponi donda la huba

5. Wala hakuna tabibu, wa bara hata mrima

Awezaye kulitibu, ukarejea uzima

Hata walio janibu

Janibu nako ni tabu, hili donda la zizima

Vijana na mashaibu, kilindini wamezama

Sio kale hata sasa huponi donda la huba

6. Hapa tamati ya mbeko, nayasitisha maneno

Yakata huku na huko, mkato wa msumeno

Donda halina kifano

Kifano chake kihako, haya sifanye bishano

Mvuzi wa maandiko, hawezi fanya kiguno

Sio kale hata sasa huponi donda la huba